V ŘÍMĚ. 1592, 29. února. — Orig. v arch. Třeb.

Clemens. P. P. Vili. Dilecte fili, nobilis vir. Salutem et apostolicam benedictionem. Amavimus unice plurimique fecimus viitutes tuas ex eo tempore, cum te cognovimus tecumque egimus de rebus Polonicis, quarum rerum causa eramus a sede apostolica legati; quamobrem etiam non dubitamus, te hoc tempore, cum Dei benignitate imposita est nobis ecclesiarum omnium sollicitudo, id curaturum, quod incredibiliter cupimus, quodque ad tuam ipsius laudem et regni istius dignitatem magnopere pertinet, ut ad archiepiscopatum Pragensem is nominetur, qui doctrina, prudentia, pietate caeterisque virtutibus nobilissimae ac metropolitanae ecclesiae gubernandae pernecessariis commendetur. Certum habemus, te id tanto studio curaturum, quantum et rei gravitas exposcit et eximia pietas tua polli-cetur. Quod vero cogitabas de visenda sancta illa domo Beatissimae Virginis Lauretanae, si id nunc tibi etiam in animo est perque tuas occupationes licet, gratissimum nobis esset, si te inde huc ad nos conferres, te enim comitesque tuos libentissime videremus atque apud nos haberemus. Datum Romae apud sanctum Petrům sub annulo piscatoris die 29 Februaiii M. D. etc. 92.